Elantxobeko arraunlariak ahalegin betean

Iragan asteburuan trainerilla ligako bi jardunaldi jokatu zituzten bertoko taldeek Elantxoben. Gazteen mailan Mundaka bertoko talde onena izan zen, bi jardunaldietako estropadak nagusitasun ikaragarriagaz irabazi ostean. Domekan, esaterako, 44 segunduko aldeagatik irabazi zuten.

Nagusien mailan, bestalde, Urdaibai izan zen bertoko talde onena bi jardunaldietan bigarren postuan sailkatuta. Elantxobetarrak be (irudiaren beheka partean) ondo moldatu ziren, bosgarren postuan sailkatuz bi egunetan.

Ibilbide luzeari 08:30ean emongo diote hasiera Arita Berri jatetxearen ondotik, eta ibilbide laburraean parte hartu gura dutenek, bestalde, 10:00etan hasiko dute mendi martxa Elexalde auzotik.

Ibilbidean zehar anoa postu bi jarri dituzte antolatzaileek, eta probaren amaieran lunch-a egingo dute. Dutxa hartzeko aukera be izango dute parte hartzaileek.

Bi taldekide eta Ritxi Aizpuru (erdian) diskaren inguruko azalpenak emoten

The Uskis musika talde elantxobetarrak Tximinotan laugarren disko aurkeztu zuen atzo. 2009tik diskorik kaleratu barik egon ostean, bertoko taldeak hiru urteko isiluneari amaiera emon dio disko barriagaz. Iñigo Eiguren taldeko abeslariak azaldu duenez, “rock kutsua duten abesti azkarrak, eta zenbait balada” batu dituzte 30 minutuko diskoan. Dioenez, “aurreko diskoen segida da azkenengoa, baina zaleek aldaketa bat igarriko dute: kutsu rock-eroagoa du soinuak”.

Eigurenen berbetan “pozarren” daude emaitza ikusita. Nabarmendu duenez, “soinu aldaketa dela eta, apur bat arraroa egin zitzaigun hasieran, baina Iñigo Etxebarrietaren lana apartekoa izan da”. Grabatu dituzten 13 abestiei “beste kutsu” bat emon diela deritzo.

Disko guztiak bereziak izan direla argudiatuta, bestalde, taldeko abeslaria ez da ausartzen azken disko hoberena den esatera. Zaleek aldaketa bat igarriko dutela dio, baina ez direla damutuko deritzo.

Martxoaren 27an Elantxoben hilda agertu zen Iparraldeko Baleak zeresana emoten jarraitzen du, duela aste beteko marea biziek balearen gorpua herrigunetik kilometro pasatxora aldendu arren. Koldo Olagibel Elantxobeko alkatearen berbetan, “balea arazo bat zen bertoko biztanleentzat, eta arazo horri irtenbidea emoten ahalegindu ziren bakarrak Ambar elkarteko kideak dira”.

Alkatearen ustez, Espainiako Kosta Mugapeko arduradunek lehenago agindu behar zuten balea herri ondotik eroatea, baina “eskuak garbitu” zituzten. Hala, “zortea” izan dutela deritzo Olagibelek, marea biziek Kosta Mugapearen lana egin baitute.

Balea herrigunetik aldenduta, “pozik” azaldu da Olagibel. Dioenez, “balea dagoen lekura heltzea zaila da, eta horrenbestez, ez da egongo pertsonak kutsatzeko arriskurik”. Izan be, baleak trasmititu zitzakeen “gaixotasunak” ziren arazo larriena alkatearen ustez. “Balea animalia ugaztuna da, eta hortaz, gainontzeko ugaztunak kutsatzeko arriskua zegoen” azaldu du Olagibelek.

Elantxobeko alkatearen berbetan, “uda guztian zehar balea herritik 300 metrora usteltzen utzi behar zutela pentsatzen hasi ginen herrian”, baina marea biziek hiru biderrez hurrundu zuten ugaztun erraldoiaren gorpua.

Eskaerak aurkezteko epea, bestalde, apirilaren 30ean zarratuko dute, eta interesatuek udaletxean aurkeztu beharko dute dokumentazio guztia. Informazio gehiago gura duenak, udaletxera joan beharko du

1987. urteko apirilaren 1ean lortu zuen Nabarnizek Gernika-Lumorengandik banantzea, eta 2012ko apirilaren 1ean ospatu zuten nabarniztarrek desanexioaren 25. urteurrena. 1987. urte hartan alkate lanak hartu zituen Genaro Zubizarreta gogoan izan zuten, baita harekin batera udalean lan egin zuten guztiek be. Azken agintaldietan alkate izandakoen eskutik oroigarria hartu zuten alkate izandakoaren senideek eta zinegotzi izandakoek be. Bertsoak entzuteaz gain, Kabelinatxe dantza taldeko umeen saioa be ikusi ahal izan zuten herriko plazan batutakoek.

Gaur egungo alkate Lorena Zubizarretak, bere aldetik, bere agintean ahalik eta ondoen egiteko borondatea agertu zuen, herriaren aginte makila hartzeagaz batera.

1966. urtean batu zen Nabarniz Gernika-Lumora, Francisco Francoren dekretu baten aginduz. Nabarnizegaz  batera, Arratzu, Forua, Murueta eta Kortezubi be batu ziren. Azken herri horretan zapatuan ospatu zuten desanexioaren 25. urteurrena.

Agustin larrea teknikaria egokitzapenaren inguruko azalpenak emoten

“Altxikar auzoko mendi hegalaren ondoan bizi diren herritarrak lasaiago biziko dira aurrerantzean”, Juan Luis Landazabal Eako alkateak jakinarazi duenez. Hilabeteetako lanen ostean, Udalak amaiera emon dio herriko “gai korapilatsuenetako bati”. Izan be, maldan behera jauzi zitezkeen harriak, “loa kentzeko modukoak” zirela argudiatu du alkateak. 1999ko lehenengo lurjauzian, esaterako, haranaren sakonean lanean zegoen behargin bat hil zen, 15.000 m3 lur jausi ostean.

Hala, berregokitzapen lanak amaituta, alkatea “pozarren” azaldu da 12 urteko “ibilbide gogorrari” amaiera emon baitiote. Horrenbestez, Altxikar auzoko arazoa konpontzen lagundu duten guztiak izan ditu gogoan Landazabalek: Bizkaiko Foru Aldundia, Asier Madarieta alkate ohia, eta lurren jabeak, besteak beste.

Agustin Larrea proiektua egin duen enpresaren teknikariak azaldu duenez, “arazoari irtenbidea emotea ez da erraza izan”. Dioenez, 3000m3 lur kendu behar izan dituzte, eta horretarako, “kontu handiagaz” ibili behar izan dute, “harritxarrak” maldan behera erortzeko arriskua baitzegoen.

Lur soltea eta harriak kendu ostean, euskarriak sartu dituzte lurzoruan, eta hiru motako sareak jarri dituzte. Guztira, 1800m2 sare jarri dituzte lurrari eusteko, eta lurzoruan sartu dituzten euskarri guztien artean, bestalde, 1.000 metroko luzera duen burdinazko makila egin zitekeen.

Larrearen berbetan, “makinaria asko erabili behar izan dugu, baina emaitza oso ona dela deritzot”. Naturak bere bidea egiten duenean, mendi hegalean kolore berdea nagusituko dela uste du. Zonaldea berdetzen laguntzeko, gainera, zenbait landare jarri dituzte. Kolore berdea emoteaz gain, landareek hezetasuna gutxituko dutela eta lurrari hobeto eusten lagunduko dutela argudiatu du teknikariak.

Euskal meteorologiak agentziak, Euskalmetek, bere lehenenengo globo zunda meteorologikoa jaurti du gaur. Horretarako aukeratutako lekua ez da edozelakoa izan, Urdaibairen bihotzetik egin baitu jaurtiketa. Hain zuzen, Gautegiz Arteagan dagoen Urdaibai Bird Centerretik jaurti dute globo zunda.

Euskalmeteko ordezkariez gain, Rodolfo Ares Barne sailburua egon da Gautegiz Arteagan. Urdaibai Bird Centerreko arduradunen azalpenak jaso ditu Aresek, bertatik bertara ezagutuz hegaztien behaketarako zentro barria.

Meteorologiaren mundu mailako eguna aprobetxatu dute jaurtiketa egiteko. Aresen hitzetan, globo zunden sistemaz baliatzeak Europako agentzia onenen artean kokatzen du Euskalmet, eta pauso bat gehiago da iragarpen zehatzak bermatzeko.  Bere esanetan, “aurkako fenomeno meteorologiak iragartzerakoan aurrea hartzeko aukera emango dute globo zundek, eta, horrenbestez, jendartearen segurtasuna bermatzeko baliagarriak izango dira”.

Euskalmetek Urdaibai Bird Centerren kokatutako miniestaziotik egunero-egunero jaurtiko dute globo zunda bat, 12:00etan. Bada, hegaztien behaketarako zentroa ordu horretan bisitatzen dutenek sistemaren funtzionamendua, erabilera eta helburua ezagutzeko aukera izango dute. Izan be, presio atmosferikoaren, tenperaturaren, hezetasunaren eta haizearen norabidearen inguruko parametroak ezagutzea ez ezik, hezkuntzarako tresna ere izan gura du miniestazioak.

Urte osoan egongo da zabalik zentroa, baina astegunetan bisita egin ahal izateko aldez aurretik hitzordua eskatu behar da. Asteburu eta jaiegunetan, aldiz, aurretik deitu barik be sartu ahal izango da, 20 laguneko gehieneko taldea osatu arte, ezarritako ordutegietan.

2011ko udaberrian inauguratu zuten Urdaibai Bird Center, eta ikerketa bideratzeko oinarriak ezartzen joan da ordutik. Ondorengoak  dira Aranzadiko teknikariek zentroan egiten dituzten ikerketak:

• Stop over Ecology: Urdaibaiko estuarioak atsedenleku moduan duen garrantziaren nondik norakoak azaldu nahi dituzte, hainbat faktore kontuan izanik; hala nola, elikagaien ugaritasuna, meteorologia, habitataren ezaugarriak…
• Populazio dinamikak edo Urdaibaiko hegazti populazioen bilakaera; arlo horretan ikertzen ari dira espezieen kontserbazio egoera ezagutzeko, haien populazioen jaitsierak edo gorakadak detektatu ondoren.
• Eremu geografikoen arteko konektibitatea, alegia, hegaztiek euren migrazioetako ibilbideetan zeharkatzen dituzten eskualdeen artean egiten dituzten loturak.
• Global change. Ikerketa lerro horren helburua da aldaketa orokorrak hegaztien fenologiari, mugimenduei eta banaketari epe luzean nola eragiten dien aztertzea.

Gautegiz Arteagako Udalak kredito bakarra duela aipatu du Bilduk, 580.000 eurokoa. “Hori kitatzeko, 80.000 euro ordaindu behar ditu urtean, eta horrek udaleko aurrekontuentzat ez da gainkarga bat, ez du herriaren etorkizuna kolokan jartzen”. Gainera, hipoteka hori udalean ordezkaritza zuten alderdi politko guztien onespenagaz onartu zutela gogorarazi du Bilduk, EAJrena barne. “Kreditoa, dena den, ez zen zuen udalak eskatu gestio txarra egin zuelako, Bizkaiko Foru Aldundiak Kultur Etxearen bigarren fasea egiteko agindutako laguntza emon ez zuelako baizik”. Laguntza horren %75a ordaindu barik utzi zuen Aldundiak.