Gautegiz Arteagako Hitza » Kortezubi

Zapatuan mendi irteera egingo dute Kortezubitarrek

Gautegiz Arteagako Hitza — Tue, 11 Oct 2011 14:21:54 +0000

Kortezubiko Gure Arbasoen Herria Kultur Taldeak mendi irteera antolatu du. Jakinarazi dutenez, Aizkorrira (Gipuzkoa) joango dira zapatuan, eta izena emoteko epea zabalik dago barikura arte. Izena emoteko, Kortezubiko udaletxera, edo 619.799.256 telefono zenbakira deitu behar dute interesatuek.

Autobusa 08:00etan urtengo da Kortezubiko udaletxe ondoko aparkalekutik. Mendizaleak Arantzazuraino (Gipuzkoa) joango dira autobusez, eta ostean, Urbiara igoko dira. Behin Urbiara helduta, gura dutenek Aizkorrira igotzeko aukera izango dute. Umeek bost euro ordaindu behar dituzte, eta helduek hamar euro.

Santimamiñe haitzuloaren kudeaketa sarituko dute gaur

Gautegiz Arteagako Hitza — Mon, 03 Oct 2011 10:55:05 +0000

BizkaiKOA Bizkaiko Foru Aldundiaren museoen erakunde kudeatzaileak diploma bat jasoko du gaur, turismoaren kalitatearekin duen konpromisoarengatik eta Santimamiñe haitzuloaren kudeaketan eginiko praktika onengatik. Pilar Zorrilla Eusko Jaurlaritzako Merkataritza eta Turismoko sailburuordearen eskutik jasoko du diploma Asier Madarieta Bizkaiko Foru Aldundiko ordezkari eta BizkaiKOA erakundeko kudeatzaileak.

Balenciaga Museoan egingo den gala batean hartuko du diploma BizkaiKOAk, 18:00etatik aurrera.

Eusko Jaurlaritzak ematen duen sari hori praktika onak sustatzeko programaren barruko ekimenetako bat da; programa horren bidez, turismoko establezimenduen kudeaketa zuzena indartu nahi du, eta sektorearen profesionalizazioa areagotu.

Zuhaitz eguna ospatzeko izen ematea zabalik dago

Gautegiz Arteagako Hitza — Tue, 15 Mar 2011 12:50:24 +0000

Zuhaitz egunean parte-hartzeko izen ematea zabalik izango da barikua arte. Kortezubiko Udalak martxoaren 27an ospatuko du zuhaitz eguna. Ohar bidez jakinarazi dutenez, «11:00etan» jarri dute hitzordua. Herritarrak plazan batu ostean, ibilaldia egingo dute Santimamiñera.

San Martinak ospatuko dituzte Kortezubin

Gautegiz Arteagako Hitza — Fri, 12 Nov 2010 12:06:35 +0000

Bihar goiz guztian zehar, Kortezubiko herritarrek San Martin eguna ospatuko dute. San Martin egunari dagokion modura, txerria izango da protagonista nagusia.

Jakinarazi dutenez, goizean zehar, “txerri oso bat” erreko dute herriko plazan, eta ostean “herri bazkarian” jango dute txerri hori. Horrez gain herriko emakumeek prestatutako odolosteak, zein porrusalda dastatzeko aukera izango dute gerturatzen direnak.

Udaletik diotenez, “giro bikaina izango da”. Ildo horretatik, Kortezubira hurbiltzeko gonbita luzatu dute.