Udaletik azaldu dutenez, helburuak jendearen “parte hartzea sustatzea”, eta udalaren “kudeaketa hobetzea” dira. Izan be, mundu guztiak “esateko zerbait” duela iritzita, herria hobetu dezaketela uste dute.

Jakinarazi dutenez, “duela hamabost egun inguru” jarri zuten martxan udal aurrekontuen inguruko eztabaida. Lehenengo batzar horietan, aurrekontu sinple bat zelakoa den azaldu zuten udal arduradunek. Ohiko gastuak zeintzuk diren, eta diru sarreren nondik norakoak azaldu zituzten besteak beste.

Udal aurrekontuen inguruko zalantzak argitu ostean, bestalde, herritarren proposamenak batzeko epea zabaldu zuten, eta udalaren aurrekontu proposamena jendarteratzeko momentua heldu da orain. Halanda be, egunotakoak ez dira izango azkenengo batzarrak. Udal aurrekontua aurkeztu ostean, herritarrek iritzi eta proposamenak aurkezteko aukera izango dute barriro.

San Juan elizan izango da kontzertua, 18:30ean.

Zehazki, txakolin dastaketa antolatu dute egun horretarako. 12:00etan batuko dira, Bodegoian. Taberna horretan bertan emon behar izango da izena, 3 euro ordainduta.

Domekan, ostera, Natxituko Bolatokian elkartuko dira, Jabier Zillonis txakolingileak ekoiztutakoa bakailaoagaz batera dastatzeko. Gainera, 12:15ean Elantxobeko trikitilariak ariko dira giroa alaitzen. Ostean, 13:00etan, Onintza Enbeita eta Gorka Lazkano bertsotan ariko dira.

XIV.San Isidro txirrindularitza Sari Nagusia jokatuko dute etzi, Eako Natxitua auzoan parte-hartzaileek. Guztira, 118 kilometro ingurutan aritu beharko dira txirrindu gainean. Natxituan hasi eta bukatuko dute lasterketa. Gernikesa Txirrindulari Elkateak antolatu du urtero legez, aipatu proba. Etzi, beraz, 16:00etan emango diote hasiera lasterketari. Natxituan hasiko dute txirrindulariek lasterketa eta helmuga be bertan izango da. Lasterketako ibilbideak, guztira, 118 kilometroko distantzia izango du. Ibilbidean zehar inguruko hainbat herritatik igaro ebharko dute parte-hartzaileek; besteak beste, Ibarrangelutik, Gautegiz-Arteagatik, Sukarrietatik, Ispasterretik eta Ereñotik. 23 urtez azpikoentzatAipatu lasterketa 23 urtez azpikoen txapelketarako puntuagarria izango da. Iazko proba hau gaur egun Euskaltel taldekoa den Pello Bilbao gernikar gazteak irabazi zuen, Naturgas Energia taldearekin. Horrez gain, mendiko sailkapenean ere lehenengo sailkatzea lortu zuen gernikarrak.Saridun ezberdinak izaten dira proba honetan eta aurtengoan be hala izango da. Sailkapen orokorrean lehenengo egiten duenak 225 euro eta garaikurra eskuratuko ditu; bigarrenak, ostera, 175 euro eta hirugarrenak, aldiz, 160 euro. Gainera, sari bereziak emango dituzte. Hala nola, mendiko sailkapenean edo tarteko helmugetan lehenengo egiten dutenek be saria jasoko dute.

Alkatearentzat, “egun handia” da gaurkoa. Hainbeste denbora “borrokan” egon ostean, proiektu garrantzitsu horiek argia ikustea “oso onuragarria” izango dela azpimarratu du. “Urteak daramatzagu hobekuntzak egin guran eta Aldundiak erakutsitako jarrera onari esker udalerri seguruagoa izango dugu etorkizunean”.

Bide segurtasuna bermatuko duen neurri berriak ezartzeaz gain, Aldundiko proposamenek oinezkoen segurtasuna dute oinarrian. Horregatik, “pozik” azaldu da alkatea. Izan be, oinezkoei “lehentasuna” emon behar zaiela uste du. Hasiera baten ez zituzten oinezkoentzako espaloiak eta autobus geltoki berriak egitea aurreikusten, baina proiektuak diseinatu dituzten teknikariek ezinbesteko ikusi zuten.

Madarietaren hitzetan, “sei urte inguru” daramatzate herri segurtasuna hobetu guran eta “oso pozgarria” da aurrera egiten dutela ikustea. Orain, ahalik eta arinen batu gura dituzte proposamen eta iritzi guztiak datorren urtean lanak hasteko aukera izateko.

“2012an” hasi gura dituzte lanak

Guztia bide egokitik badoa, datorren urtean, proiektuak egia bihurtzeko obrak hasiko dituzte Ean. Itziar Garamendi Herri Lan saileko diputatuak azaldu duenez, “proposamenak batu behar ditugu eta aldaketak egin daitezkeen aztertu behar dugu”. Ostean, “Aldundiak udalaren oniritzia duenean”, proiektuak datorren urteko aurrekontuetan sartzeko lanean hasiko dira.  “Atzeratzen ez bagara, 2012an lanak hasiko ditugu” esan du.

Datorren urtean obrak hastea aurreikusten duten arren, ez dituzte lau auzoetako lanak batera hasiko. Garamendiren ustez, “obra guztiak batera hastea, arazo asko emongo lituzke”.

Aldundiko tekniariek prestatutako proiektuak aurrera eramateko, 1,3 milioi euro inguru bideratu behar izango ditu Aldundiak. Natxituko eta Angelutxuko lanak egiteko, adibidez, 500.000 euro inguru behar izango dituzte. Eako eta Bedaroako egokitzapena egiteko, ordea, 800.000 euro inguruko inbertsioa egin beharko dute. Halanda be, Herri Lan diputatuak azaldu bezala, “aurreikuspenak dira eta baliteke inbertsioa handitu behar izatea behin-betiko proiektuak aurkezten ditugunean”.

Garamendiren ustez, “proiektu oso garrantzitsuak izango dira herriarentzat”. Bide segurtasuna hobetuko dute eta oinezkoen segurtasunean aurrerapausuak emongo dituzte. Horregatik, “pozik” azaldu da proiektu horietan parte-hartzeko aukera dutelako.

Bestalde, hobekuntzak egin arren, gidarien heziketan be, aurrerapausoak emon behar direla adierazi du Herri Lan diputatuak.

Ezker abertzalearen iritzia

Eako Udaletxean egin duten aurkezpenean, Ezker Abertzaleko kideek euren iritzia plazaratu dute. Azaldu dutenez, “Aldundiak aurkeztutakoa plan integrala da eta begi onez ikusten dugu”.  Halanda be, hauteskundeei begira egindako aurkezpena izan dela kritikatu dute.

Diotenez, “urte asko daramatzagu neurriak hartzeko eskatzen eta hauteskundeen aurretik aurkeztu ditu Udalak proiektuak”. Orain hemezortzi urte, esaterako,  semaforoak eskatzeko lehenengo pankarta jarri zuten Natxituan eta ordutik hainbat ekimen burutu dituzte. Zentzu horretan,  Aldundiak egindako lana eskertu dute, baina herritarren eskaerekin kanpainarik ez egitea eskatu dute.

Lau Proiektuak

Garamendik lau auzoetako proiektuak aurkeztu ditu:

1. Angelutxu: Malda handia dago eta kotxeak oso arin pasatzen dira bertatik. Abiadura moteltzeko, alertako zeharkako bandak jarriko dituzte eta semaforoen bidez kontrolatuko dituzte oinezkoen joan etorriak. Zeharkako bandek abiadura moteldu behar dutela gogoratuko die gidariei. Argiztapena be, hobetu egingo dute.
2. Bedarona: Abiadura murriztu behar dela gogoratzen duten gailuak eta badenak jarriko dituzte. Oinezkoen segurtasuna hobetzeko, espaloiak  egingo dituzte eta autobus geltokiarentzako gune barria egokituko dute.
3. Ea: Lanik garrantzitsuenak bertan egin behar dituzte oinezkoei lehentasuna emoteko. Alde batetik abiadura murriztu behar dela gogoratzen duten gailuak eta badenak jarriko dituzte. Herrigune erdian, bestalde, errepidea norabide bakarrekoa bihurtuko dute. Trafikoa semaforo bidez kontrolatuko dute eta oinezkoei lehentasuna emongo zaie. Horretarako espaloiak jarriko dituzte eta oinezkoentzako gunea jarriko dute plazan.
4. Natxitua: Abiadura murriztu behar dela gogoratzen duten gailuak eta badenak jarriko dituzte. Oinezkoen segurtasuna hobetzeko, espaloiak  egingo dituzte eta autobus geltokiarentzako gune barria egokituko dute.

Eako Anbenduko neska-mutilak taldeaz gain, Gernika-Lumoko, Muxikako, Lekeitioko eta Iurretako taldeak izango dira topaketan. Ohar bidez jakinarazi dutenez, gabon kanten herri “ohitura mantentzen duten” talde horien kontzertua izango da Santa Marai de Jesus Elizan bihar. Kontzertua, 19:30ean hasiko da.

Eako herritarrak,  gabon kantak abesteko ohitura mantentzen duten bakarretakoak dira. Anbenduaren 15etik 23ra, herriko neska-mutilak Eako kaleak zeharkatzen dituzte gabon kantak abesten dituzten bitartean.

Antolatzaileek, hiru kanporaketa egin dituzte bildutako hamabi parte-hartzaileekin eta kanporaketa bakoitzeko lehenengo bi sailkatuak finalera pasatu dira. Isasi, bigarren postuan sailkatu da kanporaketan eta finalerako txartela lortu du horrela.

Finala uduritasunez beterik izan da, eta parte-hartzaileetako bat lurrera erori da zaldiak kontrola galdu ostean. Ez da ezer gertatu hala ere eta antolatzaileak “pozik” azaldu dira.

Isasik eta Asabaiek atzealdean hasi dute finala, baina itzuliak eman ahala aurrera egin dute. Egin behar izan dituzten bost itzulietatik bakarra falta zenean, lehenengo bi sailkatuak jarraitzen zituen taldearen buruan jarri dira eta hirugarren postuan sailkatzea lortu dute. 200 euro, garaikurra eta pentsu zakua irabazi dituzte.

Lasterketa Eneko Urbieta zumaiarrak irabazi du Iron Star zaldiarekin. Podiumeko bigarren postua, bestalde, Carlos Andres Loaizak eskuratu du Bamberia zaldiarekin.

Antolatzaileak “pozik”

Antolatzaileak, pozik azaldu dira proba bukatutakoan. Jakinaraz dutenez, “ez da arazo larririk izan, denbora ona izan dugu, jende asko gerturatu da Eara eta momentu on bat pasatzeko aukera izan dute guztiek”. Antolatzaileen ustetan, “egindako esfortsuak merezi izan du”. Datorren urteetan be, lasterketa antolatzen jarraitu nahi dute.

Azaldu dutenez, “jendeak zaldiak ezagutzera iristea eta zaldienganako zaletasuna bultzatzea dira gure helburuak”. Zentzu horretan, “pozik” daude, baina era horretako lasterketak antolatzeak “zailtasunak” ditu.

Zaldi bat mantetzeak eta lekutik mugitzeak kostu bat suposatzen duela argudiatzen dute eta, “dirua” ezinbestekoa da. Beraiek, esaterako, 50 euroko dieta eman dute, parte-hartzaileek  garraioa ordaindu ahal izateko.

Podiuma

1. Eneko Urbieta (Iron Star): 450 euro, garaikurra, txapela eta pentsu zakua.
2. Carlos Andres Loaiza (Bamberia): 300 euri, garaikurra eta pentsu zakua.
3. Ariane Isasi (Asabai): 200 euro, garaikurra eta Pentsu zakua.

Natxituko bolatokian zein Bedaronako elizan esaterako, abenduaren 5era arte, egunero izango da elikagaiak uzteko aukera. Eako herrigunean, bestalde, abenduaren 4ean eta abenduaren 5ean izango dute aukera biztanleek. Herrigunean goizez batuko dituzte elikagaiak.

Elikagaiak, ondo kontserbatzen diren horietakoak izan behar dira. Besteak beste, dilistak, indabak, garbantxuak, atuna… batuko dituzte Saharara bidaltzeko.

Garbitasun pertsonalerako produktuak eta dirua ere

Elikagaiez gain, herriko bizilagunek, garbitasun pertsonalerako produktuak eta dirua ere eman dezakete. Garbitasun pertsonalerako produktuen artean esaterako, konpresak batu nahi dituzte.

Diruarekin bestalde, botikak erosiko dituzte eta ondoren Saharara bidaliko dituzte botika horiek.